ரமண ஜெயந்தி விழா

ரமண ஜெயந்தி

09-01-2012                                                                                                        ரமணாஸ்ரமம்
                                                                                                                        திருவண்ணாமலை                                                                                                                               

விண்ணில் எழாது — ஒரு

பெண்ணில் எழுந்தது

ரமணன் என்னும் –

ரவி;

புன்மை இருள்

போயொழிந்து

புலர்ந்தது — இப்

புவி!

*****

தன்னைத்

தானே விரும்பாதவன்;

வீடுபெற வேண்டி

வீடு விட்டு வந்தபின் –

வீடு திரும்பாதவன்!

அவன்–

ஆரையும் விழுத்தவல்ல –

நசைகள் மூன்றும்

நண்ணா மலை;

அமர்ந்த இடம்

அண்ணாமலை!

அவன்

அரிய குணங்களின் –

அற்புத

ஆவணம்;

கோவணம் கட்டிய — திருமுறைப்

பாவணம்!

குகை புகுந்த — வாலறிவின்

சிகை;

அதனுள் சுரந்த

ஆனந்தச் சுனையில் — ஞான

அரவிந்தமாய் — மடல்

அவிழ்ந்த முகை!

மான்;

மயில்;

ஆன்;

அஜம்;

அனைத்திடமும்

அன்பு பாராட்டினான் — ஒரே

அளவதாய்; அவன் ஓர் –

ஆண் தாய்!

‘உன்னுள் இருக்கும்

உன்னை அறி;

நீயாகவே –

நிற்பான் அரி!’

உதவினான்

உபதேசம்;

உட்கார்ந்து கேட்டது

ஊர்; தேசம்!

‘நான்’ விட்டவன் — ஒருநாள்

வான் சென்றான்; செல்லுமுன்

‘நான்’ விட்டவன் — எவரும்

வான் செல்லலாம் என்றான்!

அன்னவனின் ஜெயந்திவிழாவில் பங்குபெற்று ஞான அருள்பெற அண்ணாமலைக்கு அழைக்கிறது.

யோகயுவகேந்திரா